sherut leumi

Sherut Leumi

Sherut Leumi kiti hin Agamdia Eima Kipehdoh'a Natohna (voluntary national service) ahi. Hiche hi Army a jaotheilou/jaolou hoading ahi. Sherut Leumi hi alhangpi in Numei hon aboljiuvin, numei hoa dingin thilpha tamtah aumin, profession jiltheina leh Israel society toh kibang'a hinkhomtheina lampi asiempeh un ahi. Sherut Leumi sung'a hin bolding ajatkim in aume, Education, Administration, Hospital, Law, Nursing, Health Clinic, Olim Khadasim ho kithopina, chuleh adangdang bolding adimset in ahi. Ajaonom hon interview aboldiu, amaho hetna leh thepna dungjuiya ajildiu apeh uva hiche akuona chu Natoh hoitah tah ahinmuthei nau lampi asiempeh jiu ahi.

Sherut Leumi a jaoding hon, government hetpehna noiya register aboldiu ahi. Hiche natohna hi lha 12 ahijin, hapta seh'a pungkah 3-40 sung'a natohna ahi.

Bnei Menashe tehi Hou-gut'a min ahetjeh uvin, numei jouse hi koima Army pang aumpoi, Sherut Leumi vang aboltei tei diu, hiche sung'a hi amahon atoh nompen u natoh, professional khat akilhen uva, interview aboldiu, interview alolhin teng uleh, adeipen uchu manbeiya ajildiu ahi, ajilsung uva govt. in stipend apehdiu ahi. Athiljil u ahinchai teng uleh, ajilnau mun (example Hospital ahileh) kumkhat akithopi diu ahi.

Hou-gut jeh'a Army pangnomlou hon Rabbanut (Rabbi lien ho) koma lekha akilahdoh u angaiye.
Army a panlouna ding'a lekha nalahdoh dingdan :
  1. Rabbanut te office ah nacheding, (Rabbanu branch office http://www.rbc.gov.il/courts/search/index.asp.) passport size 2. Chuleh 42 shekel processing fee jong nakichoi tha ding ahi.
  2. Rabanu te komah chu 'kei hougut kahi jeh in Army'ah pangthei ponge' nati ding ahi. Hiche sung'a hi Rabbi hon hougut nahi hinam tia houthu nahidoh kit diu ahi.
  3. Hiche akuona lekha nahinkilah doh teng, Lishkat Hagiyus (IDF recruitment center) na nachoiding ahi. Hiche lekha chu nanei teng Army tekhut'a napeh lut tei tei ngai ahi.
Army a jaolouna ding lekha hi, Army hon Army a jaoding'a nahinkounau nikho 90 alhin masang'a, hiche lekha chu amaho napieh lut ding ahi. Akhuti louleh Army a jaoding'a namin asutlut diu ahitai.

Sherut Leumi akuon muding ho :
  1. Lhaseh 'a stipend namuding ahi (Asumjat hi nanatohna leh nathiemjilna mundungjuiya hiding ahi).
  2. Na natoh sung'a chenna ding inn (apartment) napieh diu ahi .
  3. Natohna khopi sung'a Bus lhai ho'a free a natou theina ding PASS.
  4. Restuarants, Cinema, Phone hoa (Army hobang'a)Discount namu ding ahi.
Na natoh teng uleh, natoh khompi hotoh innkhat'a naumkhom maithei u ahi.
Kihuilha, lenkhom, chuleh program adang dang tamtah jong umjing jeng ahi.

Sherut Leumi bolna dingin aliyah nabol khelkhel angaipoi. Tourist Visa nei honjong abolthei u ahi.