INN BHARA KITHOPINA
Inn bhara naluo tengleh nahetding khat chu, pemthah jouse hi Ministry of Housing (Misrad Hashikun) in aliyah nabol nikho (bnei menashe tea dia Giur mujou nikho) apat lha 13 lhinjou teng hiche kithopina hi namuthei ahi. Aliyah nabol niapat kum khat sung a hi, hiche kithopina hi Sal Klita sumtoh ahinpeh tha jiu ahitai. Hiche kithopina hi Pemthah nahinia kipat kum 5 sung hiding ahi. Sum ijat namu ding ham tihi, mijouse’a kibanglou ding ahi. Insung mi ijat nahiuvem chuleh Israel gama kum ijat nachen uhitam tiho’a ahinvet diu ahi.
Ajibei (single parents) hiya insungmi neihon hiche kithopina hi kum 5 sung amudiu ahi. Hiche hi aliyah nabol niapat kum 2 jou a kipan ding akum 6 channa geiya amu diu ahi.
Israel Army a pang hon hiche kithopina hi aliyah aboljou’a pat kum 5 sung’a amu diu, asumjat ahileh lhaseh’a 223 shekel hiding ahi.
Insungmi neilou Israeli army (Khayal Boded) a pang hon Inn bhara kithopina (House rent allowance) hi amutamjep diu ahi. Aliyah aboljouse kumkhat sung’a amudiu Asumjat ahileh lhaseh’a 352 shekel hiding ahi. Kumkhat kichai jouva jong army a apannah laileh, asummu kal ding, lhaseh’a 452 shekel amuding ahi.
Innsung mi natonglouva uma, Bituach Leumi apat sum mujing honjong hiche house rent allowance hi amuthei u ahi. Hiche kithopina namu ding sung’a gampama napot leh hiche kichopina sum hi namulou ding ahi.
Hiche sum hi na bank account’a lutjing ding ahi. Ji nanei ham, ahilouleh na innmun nachon ham ahilouleh gam pama napot leh, hiche sum hi phat chomkhat’a ding’a kikhah tan ding ahi.
Iti hamkhat’a Bank account nakikhel khahna aumleh, Misrad Hashikun (Ministry of Housing) nahetsah ngaiding ahi.
Anoiya hi Inbhara kithopina govt. akuon kimu :
Israel gama na umsung lha leh kumjat | Changse’a pemlut ho | Insungmi lhingset | Meithei/Pagong insung |
13-24 (second year after Aliyah) | 223 NIS | 402 NIS | 402 NIS |
25-36 (third year after Aliyah) | 223 NIS | 332 NIS | 332 NIS |
37-48 (fourth year after Aliyah) | 223 NIS | 223 NIS | 223 NIS |
49-60 (fifth year after Aliyah) | 89 NIS | 99 NIS | 223 NIS |
61-72 (sixth year after making Aliyah) | No | No | 134 NIS |