(BNEI MENASHE TE’A DING’A GIUR JOUPHAT LEH BOLDING'A PHAHO)
Airport a Misrad Haklita (Ministry of Absorption) office ah che inlang anoiya document hohi naga kilah ding ahi (Bnei Menashe te vang Shavei Israel ten aboipi ding ahi):
• Teudat Oleh (Oleh certificate)
• Teudat Zehut (Israeli ID) number
• Dammo phat leh kivetsahna ding lekha (Health voucher )
• Sal Klita sum masapen
Giur mujou ni 4-6
- Teudat Zehut kichoiyin lang hapa masapen sungin bank account kihon kigon.
- Hapta ni sungin Misrad Haklita ah che inlang Ulpan kaitheina din lekha kilahdoh inlang chuleh Sal Kilita sum mu banjomthei na din thudoh neiyin.
- Agangthei penin Kupat Cholim (health/clinic ) ah namin register kibol in.
- Chapang nei nahi leh nachate Agaf Hachinuch (Department of Education) ah register bolin.
- Chapang hon sum amutheina dingin (child allowance) Bituach Leumi ah register bolin.
- Atampen a Lha ni (2 Months) asung Merkaz Klita a naumthei ahi.
Lha sagi (7 Months) nahung lhin teng Sal Klita sum namuphat kichai ding ahitai. Nupa aninia natong aumlou leh Misrad Haklita a che inlang Dmei Kiyum (living allowance) sum muna ding kingaito.
Lha som-le-ni (12 Months) alhin teng Manbeiya Hospital’a kivetsahna (free health insurance) kichai ding ahitai:
- Na natoh louva ahileh, Bituach Leumi te komah nache’a sum nagapieh ngaiding ahi.
- Na natoh a ahileh vang (health insurance hi na lhalo (Salary) akuona akah diu ahi.
- Indian Driving license naneiya ahileh, Misrad Harishui office a nache a Israeli license nakilahdoh angaiye.
- Hiche lha 12 sung’a hi Dmei Kiyum hung kichai ding ahitai. Hiche teng leh Havtakhat Hachnasa (income support) sum mutheina ding lampi nakingaito thei ahi. Hinlah hiche sum hi Bituach Leumi (National Insurance) hon mi avet uva a case dungjuiya phalna apieh hobouvin amu ahi, hiche phalna hi namu louva ahileh na natoh angaitai.
- Hiche Lha 12 sung’a hi Israeli passport nakisiem theiloulai ahi, Israeli passport neina ding’a giur mijou kumkhat beh ngai ahi.
Lha som-le-thum (13 Months) nalhin teng Inbhara piehtheina ding kithopina sum namupan thei ahitai.
Lha som-le-giet ahiteng Hebrew pao le ham manbeiya najiltheina phat kichai ahitai.
Kum ni (2 Years) nalhin teng Tuolman (heb. Arnona )(property tax)discount kichai ding ahitai.
Kum thum (3 Years) nalhin teng, manbeiya University a simlai Degree sim hon aman apieh diu ahitai. Hiche jong hi akumdungjuiya kivekit ahi.
- Indian Driving License naneisa ahia, aliyah naboljouva kuon driving nabolkhah tahlouva ahileh, Israeli Driving license nakidel angaiye.
- Hiche kum 3 sung’a hi Israel a kisiem thil nachohna jousea (car hihen, air condition, tv etc) discount ana umho chu hung kichai ding ahitai.
Kum li (4 Years)
- Israel a kisiem Fridge (Refrigerator) discount’a nachohtheina tha beiding ahitai.
- Kum nga lhinna (5 Years) leh Innbhara a discount beiding ahitai.
Kum sagi (7 Years)
- Inn le Lou nachohna chung’a Tax (purchase tax) discount kichai ding ahitai.
- Kum som (10 Years) nalhin teng Innchohna ding’a Loan bailamtah’a nalahtheina tha beiding ahitai.
